Rom 8:31b-39
Ps 109
Lk 13:31-35
Sigben an tawag ni Jesus sa kontra Nija na si Herod. Kay uno man kaha? Aktuwali, sigben an ako taghimo na ekuwebalent sa “fox” na diskripsiyon Nija, kay sa Habungan, duro an molaong na jao’y kuno sigben kon duyom na, pero waya’y makadiskraib nan ini.
An sigben kuno an pinakama’aling sanan alisto motago na animal pero arang ka grabe maghasik nan distruksiyon sa bukid sanan mabangis – molukad nan mga tinanum na kamote sanan gabe, mangawat nan nijog, mupatay nan mga hajop sanan man’guba na mga bayatik.
Pero uno ma’y relasyon nan ini sa kinabuhi nato na Kristiyano sanan sa Ebanghelyo mismo?
Sa tan’aw nako, gusto lamang seguro ipakita dinhi ni Jesus na waya’y makapugong nan Ija misyon dinhi sa kalibutan – an pagsalbar nan mga kasay’anan nan mga anak nan Diyos, aber kon uno kabangis nan hari na mopugong Dija.
Amo na kinahanglan, ato ‘sab suklian nan kaligdong an paningkamot ni Christ para dato tanan.
---
Thursday, October 27, 2011
Wednesday, October 26, 2011
Salvation and Rejection
Romans 8:26-30
Psalm 13
Luke 13:22-30
Lord, gamay ra ba an mga tawo na masalbar pag-abot nan panahon? Ini na pangutana an nakahatag nan oportunidad kan Jesus na mahipa-abot sa Ija mga tinun’an na kinahanglan gajud na ipreparar nato an ato mga kaugalingon para andam kita na moatubang sa ato Maghuhukom.
Pero, uno man na mahiot o petsido man kuno, laong pa ni Jesus, an ganghaan patunong didto -- na duro an mangalimbasug na makasuyod pero dili nila mahimo kay kuyang an ila kusog.
Amo kay an kinabuhi na Kristohanon, dili man kon madali kay paningkamutan pa man gajud nan tawo na makab’ot nija an Gingharian nan Diyos.
Ugsa na paningkamutan jagud nato na takos kita na moatubang sa ato Maghuhukom pinaagi sa ato pag-preparar nan ato mga kasing-kasing sanan kinabuhi.
-----
Psalm 13
Luke 13:22-30
Lord, gamay ra ba an mga tawo na masalbar pag-abot nan panahon? Ini na pangutana an nakahatag nan oportunidad kan Jesus na mahipa-abot sa Ija mga tinun’an na kinahanglan gajud na ipreparar nato an ato mga kaugalingon para andam kita na moatubang sa ato Maghuhukom.
Pero, uno man na mahiot o petsido man kuno, laong pa ni Jesus, an ganghaan patunong didto -- na duro an mangalimbasug na makasuyod pero dili nila mahimo kay kuyang an ila kusog.
Amo kay an kinabuhi na Kristohanon, dili man kon madali kay paningkamutan pa man gajud nan tawo na makab’ot nija an Gingharian nan Diyos.
Ugsa na paningkamutan jagud nato na takos kita na moatubang sa ato Maghuhukom pinaagi sa ato pag-preparar nan ato mga kasing-kasing sanan kinabuhi.
-----
Tuesday, October 25, 2011
The Parables of the Mustard Seed and of the Yeast
Romans 8:18-25
Psalm 126
Luke 13:18-21
Uno ma’y kalabutan nan gamay na liso kon an hisgutan an kaharian ni God? An isa ka gamay na liso nan mustasa, kon itanom ‘katapos amumahon sanan alimahan pag dajaw, motubo pagdako hangtud na arang na ka aslag, dispuwes moduro an dahon na kasilungan nan mga langgam sanan lingaw sab sila maniba nan mga bunga nan mustasa.
An gamay na liso nan mustasa kon ihambin ‘sab nato sa hinabuhi na Kristohanon, kinahanglan ‘sab nato amumahon sanan areglahon pag dajaw para molambo, sa tabang nan Espuritu Santo, hangtud na mapahasuod kita kan Jesus para mohuya Sija sa ato pagkatawo, sa ato kasing-kasing.
Ipangaliya nato kan God na permi kita Nija giyahan pinaagi nan Espiritu Santo para makahimo kita nan mga butang na gusto Nija para dato.
---
Psalm 126
Luke 13:18-21
Uno ma’y kalabutan nan gamay na liso kon an hisgutan an kaharian ni God? An isa ka gamay na liso nan mustasa, kon itanom ‘katapos amumahon sanan alimahan pag dajaw, motubo pagdako hangtud na arang na ka aslag, dispuwes moduro an dahon na kasilungan nan mga langgam sanan lingaw sab sila maniba nan mga bunga nan mustasa.
An gamay na liso nan mustasa kon ihambin ‘sab nato sa hinabuhi na Kristohanon, kinahanglan ‘sab nato amumahon sanan areglahon pag dajaw para molambo, sa tabang nan Espuritu Santo, hangtud na mapahasuod kita kan Jesus para mohuya Sija sa ato pagkatawo, sa ato kasing-kasing.
Ipangaliya nato kan God na permi kita Nija giyahan pinaagi nan Espiritu Santo para makahimo kita nan mga butang na gusto Nija para dato.
---
Thursday, October 20, 2011
Jesus: A Cause of Division
Romans 6:19-23
Psalm 1
Luke 12:49-53
Kalinaw sa kalibutan? Dili… pagka-bahin-bahin. An hinungdan nan pagkan’hi ni Jesus sa kalibutan para magka-bahin-bahin at mga tawo.
Tinood gajud kay bisan gani sa isa ka komunidad na Kristiyano na ako ‘ingka-matik’dan, nagka-buyag-buyag man gani an mga miyembro nan ini kay molaong man an isa ka paksiyon na gusto ra nila mag-evangelize pero an iban, molaong man sab na gusto nila ipakita an ila hingkat’onan pinaagi sa pagtabang sa mga nanginahang’lan nan tabang.
Buhi karajaw an ato Simbahan, buhi karajaw si Jesus kay Sija man an hinung’dan nan mga diskusyon sanan mga opinion an amo’y maka-aghat dato na mahimo kita na tinood na mga Kristiyano.
---
Psalm 1
Luke 12:49-53
Kalinaw sa kalibutan? Dili… pagka-bahin-bahin. An hinungdan nan pagkan’hi ni Jesus sa kalibutan para magka-bahin-bahin at mga tawo.
Tinood gajud kay bisan gani sa isa ka komunidad na Kristiyano na ako ‘ingka-matik’dan, nagka-buyag-buyag man gani an mga miyembro nan ini kay molaong man an isa ka paksiyon na gusto ra nila mag-evangelize pero an iban, molaong man sab na gusto nila ipakita an ila hingkat’onan pinaagi sa pagtabang sa mga nanginahang’lan nan tabang.
Buhi karajaw an ato Simbahan, buhi karajaw si Jesus kay Sija man an hinung’dan nan mga diskusyon sanan mga opinion an amo’y maka-aghat dato na mahimo kita na tinood na mga Kristiyano.
---
Wednesday, October 19, 2011
Vigilant and Faithful Servants
Romans 6:12-18
Psalm 124
Luke 12:39-48
Kinahanglan preparado kita permi kada gutlo nan ato kinabuhi.
Kada adlaw, surprisa permi an ato igkahibalag, pero usahay waya raka’y ato pagpakabana kay bagan ordinaryo rakan man lamang an mga panhitabo.
Matam’is an isa ka surprisa kon ato madawat ini na gasa gikan kan God pero waya nato ini paabota. Usahay mangutana pa man gani kita kon uno man na inhatag man ni God inin surprisa na gasa dako. May plano an Diyos kon uno’y ato himoon sa Ija surprisa na gasa para dato – dili kon para sa ato disposisyon ini.
Pero an kinahanglan nato preparahan sa ato mga kinabuhi, an surprisa na pagbalik ni Jesus dinhi sa kalibutan para ipadangat an Ija paghukom sa tanan mga buhi sanan mga patay.
Preparado ba kita na moatubang sa ato Maghuhukom pag’abot nan panahon?
---
Psalm 124
Luke 12:39-48
Kinahanglan preparado kita permi kada gutlo nan ato kinabuhi.
Kada adlaw, surprisa permi an ato igkahibalag, pero usahay waya raka’y ato pagpakabana kay bagan ordinaryo rakan man lamang an mga panhitabo.
Matam’is an isa ka surprisa kon ato madawat ini na gasa gikan kan God pero waya nato ini paabota. Usahay mangutana pa man gani kita kon uno man na inhatag man ni God inin surprisa na gasa dako. May plano an Diyos kon uno’y ato himoon sa Ija surprisa na gasa para dato – dili kon para sa ato disposisyon ini.
Pero an kinahanglan nato preparahan sa ato mga kinabuhi, an surprisa na pagbalik ni Jesus dinhi sa kalibutan para ipadangat an Ija paghukom sa tanan mga buhi sanan mga patay.
Preparado ba kita na moatubang sa ato Maghuhukom pag’abot nan panahon?
---
Tuesday, October 18, 2011
The Mission of Seventy-two
2 Timothy 4:10-17
Psalm 145:10-13,17-18
Luke 10:1-9
May indibidwal na papel an kada Kristiyano sa pagsangyaw nan mga Word of God. Pero sa ato paghimo nan sugo ni Jesus, tagpasaligan kita Nija na permi Sija kaibanan nato sa paghimo nato nan ato mga buluhaton.
Amo na gusto ‘sab ni Jesus na permi kita iban Dija sa Ija mga panaw. An buot ipasabot dinhi na kinahanglan permanente si Jesus sa ato kasing-kasing pinaagi sa Holy Spirit na amo’y mogiya sa ato mga buluhaton.
God is very good gajud permi kay an tanan pasalig ni Jesus na ihatag Nija an ato mga kinahanglan samtang taghimo nato an ato trabaho para kan God, Ija man gajud tag-prokurar para nato magamit sa ato mga kinabuhi na Kristiyano.
----
Psalm 145:10-13,17-18
Luke 10:1-9
May indibidwal na papel an kada Kristiyano sa pagsangyaw nan mga Word of God. Pero sa ato paghimo nan sugo ni Jesus, tagpasaligan kita Nija na permi Sija kaibanan nato sa paghimo nato nan ato mga buluhaton.
Amo na gusto ‘sab ni Jesus na permi kita iban Dija sa Ija mga panaw. An buot ipasabot dinhi na kinahanglan permanente si Jesus sa ato kasing-kasing pinaagi sa Holy Spirit na amo’y mogiya sa ato mga buluhaton.
God is very good gajud permi kay an tanan pasalig ni Jesus na ihatag Nija an ato mga kinahanglan samtang taghimo nato an ato trabaho para kan God, Ija man gajud tag-prokurar para nato magamit sa ato mga kinabuhi na Kristiyano.
----
Monday, October 17, 2011
The Parable of the Rich Fool
Romans 4:20-25
Luke 1
Luke 12:13-21
An tawag ni Jesus sa tawo na may katigajunan dinhi sa Ebanghelyo, "buang na dato." An gusto Nija na kinabuhi nato, kinabuhi sa matag adlaw.
Ugsa balitaw na tagtudluan kita ni Jesus na magnadje na: “an kalan-on namo sa matag adlaw, ihatag damo kuman adlawa.”
An punto dinhi na kinahanglan dili lamang kita magkahuyop nan mahitabo dato sa sunod na mga adlaw kay an ato Ama sa Langit permanente man magahatag dato nan probisyon para dato sa kada adlaw.
Sa ato ‘sab adlaw-adlaw na pakig-estorya sa Diyos, dinhi ‘sab nato mapahilayum an ato relasyon Dija na gusto ‘sab Nija na mahitabo.
----
Luke 1
Luke 12:13-21
An tawag ni Jesus sa tawo na may katigajunan dinhi sa Ebanghelyo, "buang na dato." An gusto Nija na kinabuhi nato, kinabuhi sa matag adlaw.
Ugsa balitaw na tagtudluan kita ni Jesus na magnadje na: “an kalan-on namo sa matag adlaw, ihatag damo kuman adlawa.”
An punto dinhi na kinahanglan dili lamang kita magkahuyop nan mahitabo dato sa sunod na mga adlaw kay an ato Ama sa Langit permanente man magahatag dato nan probisyon para dato sa kada adlaw.
Sa ato ‘sab adlaw-adlaw na pakig-estorya sa Diyos, dinhi ‘sab nato mapahilayum an ato relasyon Dija na gusto ‘sab Nija na mahitabo.
----
Tuesday, October 11, 2011
Denunciation of the Pharisees
Romans 1:16-25
Psalm 19
Luke 11:37-41
Importante sa espirituwal na kinabuhi nan tawo an suyod nan ija kasing-kasing, an ija pamayhon, an ija pagka-tawo sanan an ija huna-huna.
Waya’y hinungdan an tanan mga butang sa kalibutan - an mga pormalidad sanan mga butang na kon buot huna-hunaon, waya’y tinuod na kapuslanan - kon dili nato ilambigit an ato relasyon kan God.
Waya’y hinungdan an pagka-malimpiyo sanan an pagkahutad nan ato kalawasan kon maligtim an ato mga huna-huna sanan an suyod nan ato mga kasing-kasing.
Ugsa permi nato bantajan an suyod nan ato pagkatawo, suyod nan ato mga huna-huna sanan kasing-kasing na permi malimpiyo para andam kita moatubang sa ato Maghuhukom pag-abot nan panahon.
----
Psalm 19
Luke 11:37-41
Importante sa espirituwal na kinabuhi nan tawo an suyod nan ija kasing-kasing, an ija pamayhon, an ija pagka-tawo sanan an ija huna-huna.
Waya’y hinungdan an tanan mga butang sa kalibutan - an mga pormalidad sanan mga butang na kon buot huna-hunaon, waya’y tinuod na kapuslanan - kon dili nato ilambigit an ato relasyon kan God.
Waya’y hinungdan an pagka-malimpiyo sanan an pagkahutad nan ato kalawasan kon maligtim an ato mga huna-huna sanan an suyod nan ato mga kasing-kasing.
Ugsa permi nato bantajan an suyod nan ato pagkatawo, suyod nan ato mga huna-huna sanan kasing-kasing na permi malimpiyo para andam kita moatubang sa ato Maghuhukom pag-abot nan panahon.
----
Monday, October 10, 2011
The Demand for a Sign
Romans 1:1-7
Psalm 98
Luke 11:29-32
Kon mobiyahe kita, gusto nato manegurado na waya’y kakulian an ato panaw. Mohanap kita nan signus na segurado sanan marajaw an tiyempo nan jaon na adlawa.
Kon an hangin manukad sa sayatan, molaong an Habunganon na waya na’y uyan sa sunod na mga adlaw, kon moabot na ang hangin habagat, duro na uyan an paabuton.
Pero an taghisgutan dinhi ni Jesus na signus, dili kon mahitungod sa panahon kon dili, mahitungod sa preparasyon nan kinabuhi para sa waya’y katapusan na kalipay didto sa kalangitan.
Kinahanglan preparado gajud kita na moatubang sa ato Ginoo pag-abot nan panahon.
---
Psalm 98
Luke 11:29-32
Kon mobiyahe kita, gusto nato manegurado na waya’y kakulian an ato panaw. Mohanap kita nan signus na segurado sanan marajaw an tiyempo nan jaon na adlawa.
Kon an hangin manukad sa sayatan, molaong an Habunganon na waya na’y uyan sa sunod na mga adlaw, kon moabot na ang hangin habagat, duro na uyan an paabuton.
Pero an taghisgutan dinhi ni Jesus na signus, dili kon mahitungod sa panahon kon dili, mahitungod sa preparasyon nan kinabuhi para sa waya’y katapusan na kalipay didto sa kalangitan.
Kinahanglan preparado gajud kita na moatubang sa ato Ginoo pag-abot nan panahon.
---
Wednesday, October 05, 2011
The Lord's Prayer
Jonah 4:1-11
Psalm 86
Luke 11:1-4
Tag’tugloan kita ni Jesus na ata tawagon si God na “Ama Namo” kay in’konsiderar na man kita Nija na mga anak nan Diyos.
Kon lain’tawo an pagtratar nato kan God, waya’y ato kompiyansa na mosuod Dija, makig-estorya, mangajo nan mga grasya, mangamujo sanan mangajo nan pasaylo sa ato mga kasay’anan Dija.
Waya’y ato panuko na mosuod kan God na ato Ama kay taghatagan man kita ni Jesus nan higayon sanan dayan pasingod sa langit pinaagi nan Ija kamatajon sanan pagkabanhaw.
Ato hinuklugan pagdajaw an kada pagpangadje nato nan Our Father para motuhop gajud an tinood na kahuyugan nan ato pakig’estorya kan God.
---
Psalm 86
Luke 11:1-4
Tag’tugloan kita ni Jesus na ata tawagon si God na “Ama Namo” kay in’konsiderar na man kita Nija na mga anak nan Diyos.
Kon lain’tawo an pagtratar nato kan God, waya’y ato kompiyansa na mosuod Dija, makig-estorya, mangajo nan mga grasya, mangamujo sanan mangajo nan pasaylo sa ato mga kasay’anan Dija.
Waya’y ato panuko na mosuod kan God na ato Ama kay taghatagan man kita ni Jesus nan higayon sanan dayan pasingod sa langit pinaagi nan Ija kamatajon sanan pagkabanhaw.
Ato hinuklugan pagdajaw an kada pagpangadje nato nan Our Father para motuhop gajud an tinood na kahuyugan nan ato pakig’estorya kan God.
---
Tuesday, October 04, 2011
Martha and Mary
Jonah 3:1-10
Psalm 130
Luke 10:38-42
Nabiro si Martha kay waya man gajud magpakabana si Mary na tabangan sija sa kusina samtang ila tag-abe’abe si Jesus.
Importante an taghimo ni Martha pero para kan Mary, an marajaw na parte sa pag-abe’abe an ija tag-pili ugsa na kon pamati’an nato, bagan tag-dapigan ni Jesus si Mary sa ija taghimo.
Sa labing-tinood lamang, an pinaka-importante na buluhaton gajud nan tawo, an ija pag-establisar nan marajaw na relasyon sa ija Ama sa Langit pinaagi sa pagpamati sanan pagsunod sa mga pulong nan Diyos, na amo’y taghimo Mary dinhi na sirkumstansiya.
---
Psalm 130
Luke 10:38-42
Nabiro si Martha kay waya man gajud magpakabana si Mary na tabangan sija sa kusina samtang ila tag-abe’abe si Jesus.
Importante an taghimo ni Martha pero para kan Mary, an marajaw na parte sa pag-abe’abe an ija tag-pili ugsa na kon pamati’an nato, bagan tag-dapigan ni Jesus si Mary sa ija taghimo.
Sa labing-tinood lamang, an pinaka-importante na buluhaton gajud nan tawo, an ija pag-establisar nan marajaw na relasyon sa ija Ama sa Langit pinaagi sa pagpamati sanan pagsunod sa mga pulong nan Diyos, na amo’y taghimo Mary dinhi na sirkumstansiya.
---
Monday, October 03, 2011
The Parable of the Good Samaritan
Jonah 1:1—2:1-2, 11
Jonah 2
Luke 10:25-37
Sin’o man gajud an ako silingan o isigkatawo? Dinhi sa Ebanghelyo, nosimang sa lain na dayan an pari sanan an Levite para dili nila kaagihan an biktima nan kawatan, para dili sila mahilambigit sa biktima, para dili sab sila mahimutang ‘sab sa peligro.
Pero an Samaritan, puno nan kaluoy sa ija paglabay, noakto dajon nan kinahanglan na aksiyon para sa biktima bisan dili nija kon kilaya an tawo. Tagdawat unabes nija dajon an responsibilidad na amumahon an biktima kay may panginahanglan man nan pag-amuma an tawo.
An pagmahal sa isa ka silingan o sa isigkatawo dili kon boot ipasabot na hanapon pa gajud nato an ato mahitabang dija kon dili, an paggamit nan mga butang na jaon dato para kita makatabang dija.
----
Jonah 2
Luke 10:25-37
Sin’o man gajud an ako silingan o isigkatawo? Dinhi sa Ebanghelyo, nosimang sa lain na dayan an pari sanan an Levite para dili nila kaagihan an biktima nan kawatan, para dili sila mahilambigit sa biktima, para dili sab sila mahimutang ‘sab sa peligro.
Pero an Samaritan, puno nan kaluoy sa ija paglabay, noakto dajon nan kinahanglan na aksiyon para sa biktima bisan dili nija kon kilaya an tawo. Tagdawat unabes nija dajon an responsibilidad na amumahon an biktima kay may panginahanglan man nan pag-amuma an tawo.
An pagmahal sa isa ka silingan o sa isigkatawo dili kon boot ipasabot na hanapon pa gajud nato an ato mahitabang dija kon dili, an paggamit nan mga butang na jaon dato para kita makatabang dija.
----
Subscribe to:
Posts (Atom)