Isaiah 45:6c-8, 18, 21c-25
Psalm 85
Luke 7:18b-23
Repleksiyon
An mga aksiyon nan tawo amo’y pinaka-marajaw na timbangan nan ija pagkatawo.
Pag-abot nan ting-eleksiyon, tuyo ka basehan an marajaw na palandungan para makapili nan eksakto na kandidato. Una, kon uno’y tinood na tinguha nan ija pag-kandidato? Proteksiyon nan ija mga negosyo? Nan negosyo nan ija mga pinansiyer sa eleksiyon sanan mga amigo? Ikaduha, sin-o ma’y tagasuporta nija? Mga drug lords o mga gambling operators na ija mga pinansiyer sa aleksiyon – dili ba kon makuyba, makahahadlok? Ikatuyo, Uno na ma’y ija nahimo para sa mga katawhan sanan sa lungsod? An ija mga aksiyon amo’y pinakamarajaw na basehan nan tawo.
Para kan Jesus, an Ija mga binuhatan, dili mahilimod: tag-balik Nija an panan-aw nan buta, tagpa-panaw Nija an bakul, tagpa-hinlo Nija an may kitong, tagpa-dungog Nija an bungoy, tagbuhi Nija an patay, tagproklama Nija an marajaw na balita sa mga pobre.
Sa katapusan, an basehan nan paghukom dato depende sa ato mga taghimo para sa mga gagmay na mga tawo.
----
