mga pagbasa kuman, domingo
Uno man kaha na sa sambingay kuman sa ebanghelyo mahitungod man sa pagsalig nan negosyante nan idja kabtangan sa iban na mga tawo adeser sidja molangyaw?
An pinaka-importante dinhi na kita na mga suluguon nan Diyos gusto Nidja na mahimatngon kon unoy ato mga responsibilidad sa ato pagka-Kristiyano.
An sambingay naghisgot unabes sa pagsalig nan agalon sa idja mga suluguon kay molangyaw man lagi sidja na madugay-dugay sa iban na lugar.
Kon huna-hunaon nato, bagan dili katuohan na an isa ka tawo mobilin nan idja kabtangan sa dili nidja kon kilaya pero an punto dinhi na an idja pagsalig sa tuyo ka tawo wayay huna-huna na mayaot kaynahibayo man sidja na motrabaho inin idja mga suluguon bisan waya sidja.
Amo na nag-agad ra gadjod ini sa pagtan-aw nan mga suluguon sa ila responsibilidad kay tagsaligan man sila nan ila amo.
Depende ra sab sa tawo kay lain-lain man an ila pagdumaya nan kuwarta na tagsalig dila -- nadoble an puhunan nan duha ka suluguon kay tag-negosyo man nila, pero taglubong ra man nan ikatuyo na suluguon an kuwarta kay na tag-salig didja kay nahadlok man sidja na maalkanse o malugi sidja kon inegosyo nidja.
Iresponsable an taghimo nan ikatuyo na suluguon kay waya man gadjoy idja ma-ani kon ilubong an mga kuwarta kay dili man motubo an kuwarta sa lupa.
Arang kon liso iton nan bunga kay motubo sanan posible pa na mamunga kay amo may bagad nan tanom.
Ugsa na kita sab, bilang mga Kristiyano, kinahanglan ato gadjod palambuon an ato espiritwal na kinabuhi na tagsalig dato nan Ginoo kay amo may gusto Nidja na mahitabo para dato para kita makaandam sa kinabuhi na wayay katapusan iban Didja sa kalangitan.
Lord, tagtudluan Mo man kami na an adlaw Nimo moabot damo parehas nan isa ka kawatan sa duyom, hatagi kami, Lord, nan grasya na mahi-andam namo an amo kinabuhi para sa wayay katapusan na kalipay iban Dimo sa kalangitan, Amen.
readings for today, sunday
Why did Jesus tell this parable which tackles on trust of the master to his servants before he goes on travel?
What probably matters here is our being servants of God so that we may realize and do the responsibilities of our being Christians.
The parable primarily tells us about the trust of the master to his servants because he is traveling to a far place for a time.
We could not imagine a person trusting his business to people with whom he does not know personally but the point here is his trust to the three servants was there because he was pretty sure that they will do their jobs even if he was not around.
Thus it was just on the perception of the servants on their responsibilities based on the trust that they individually enjoy.
It all depended on their management style on the investments entrusted them -- the money entrusted to the two doubled-up because they indulge into profitable businesses, but the third servant just buried his supposed to be investment money because he was afraid that he be blamed if the business fails.
What the third servant did was irresponsible becuase he can not expect his buried money to gain any profit albeit money will not grow on soil.
If it were a seed of a fruit, there was a possiblity for it to grow and bear another fruits because this is nature's way.
Thus we, being Christians, have to strive hard in nurturing the spiritual lives that He entrusted us for this is what He wants of us and in this way, we can also prepare our lives for the everlasting life with Him in heaven.
Lord, You taught us that Your day will come like a thief in the night thus give us the grace, Lord, to prepare us for our everlasting life with You in heaven, Amen.
