Acts 25:13b-21
Psalm 103
John 21:15-19
Repleksiyon
Uno man na ka-tuyo pa man gajud pangutan-a ni Hesus si Pedro kon taghigugma nija an Ginoo? Naguol na si Pedro kay kon buot huna-hunaon, nahibayo naman si Hesus kon uno’y suyod nan ija kasing-kasing. Segurado man gajud na inhibay-an na daan ni Hesus an ija paghigugma.
An ikaduha pa, bagan inhisip’gan na sab seguro si Pedro kay nangutana man si Hesus sa presensiya nan mga apostoles, katuyo pa gajud. Kon kita jaon, abton gajud kita nan kaembaraso kay pabalik-balik man kita pagpangutana na an buot ipasabot, kon para sa ordinary na tawo, waya nato hisabti an pangutana Nija.
Pero an tujok nan estorya, gusto baja ni Hesus na idemonstrar ni Pedro an ija magmahal sa Ginoo pinaagi sa paghigugma sa tibook katawhan na taghigugma ni Hesus sugod pa nan sinugdan nan kalibutan.
An sugo ni Hesus kan Pedro nan jadto na panahon nila, sa ako tan-aw, amo isab an sugo Nija para dato sa kuman na panahon. Ugsa na paningkamutan gajud nato na mahipadayag nato an ato pagmahal sa ato isigkatawo. Kon huna-hunaon, imposible nato himoon ini, pero sa tabang nan Espiritu Santo na Ija tagpadaya dato, waya’y imposible na dili nato mahimo kay waya ma’y imposible sa Diyos.
Love the unlovable.
