The Prayer of Jesus

Acts 20:17-27
Psalm 68

John 17:1-11a

“Father, keep them in your name, which you have given me, that they may be one, even as we are one.”

Para dako, an buot ipasabot nan kinabuhi na waya’y katapusan, kinabuhi didto sa langit pagkatapos nan kamatajon na lawasnon nan tawo. Amo na ini an ato luna na igkita nato an Diyos sa Ija kahimayaan didto sa langit.

An pangutana kuman kon andam na ba kita na atubangon inin taglaong na kinabuhi na waya’y katapusan didto sa kalangitan?

Kinahanglan seguro na an unahon nato na himoon an pagkilaya sa ato kaugalingon anay. Amo ini an sinugdan nan ato pagka-mahi-ubsanon. Sunod, an pagkilaya nato sa ato isigkatawo na amo’y sab sinugdan nan ato pagka-makiluloy-on. Pagkatapos, an pagkilaya sa Diyos na amo’y sinugdan nan kinaadman.

Kon kilaya nato an imo kagalingon, mahikatawa kita sa ato sitwasyon. Kon kilaya nato an iban mga tawo o an ato isigkatawo, makakat-on kita dila. Pero kon kilaya nato an Diyos, segurado na jao’y ato paabuton na kinabuhi na waya’y katapusan.

Amo na kinahanglan gajud nato kilay-on, ihuya (live) sanan higugmaon an Diyos para andam kita para sa kinabuhi na wayay katapusan sa kalangitan.

Learn something new about the people around you, about yourself, and about God through the Scriptures!