Exodus 34:29-35
Psalm 99
Matthew 13:44-46
Adto’n entrada nan ini na tuig, naglunop sa Habungan kay nosulig man an tubig sa Danaw nan Mainit. Duro na mga Habunganon an ingka-wad’an nan mga kabtangan, bayay, binuhi na hajop sanan kon uno rakan na mga importante na mga butang sa ila mga kinabuhi.
Bilib lamang ako dila kay kon kumustahon sila nan jadto na mga tungura, an ila tubag: “abir kon manga-anod an tanan namo na mga kabtangan, basta kami, mapasalamaton gajud sa Diyos kay buhi ra kami tanan.”
Pinaka-importante gajud an kinabuhi nan tawo ugsa na mangingkamot gajud sija na isalba nija an ija kaugalingon sanan an ija mga mahal sa kinabuhi.
Pero, an hataas pa sa pinaka-importante, an ato Diyos na amo’y nagmugna nan tanan na mga butang sa kalibutan. Amo na kinahanglan, ipakita gajud sanan ipabati nato sa ato Ginoo an ato pagmahal Dija pinaagi sa ato pagkonsiderar Dija na pearl of great price na taglaong sa Ebanghelyo.
---
