Ruth 2:1-3, 8-11; 4:13-17
Psalm 128
Matthew 23:1-12
Marajaw seguro ato kari-karian nato kuman an mahitungod sa pagka-mapahiub’sanon kay amo ma’y ini kabaligtaran sa mga pamaagi nan mga scribes sanan mga Pharisees na tag-leksiyunan ni Jesus dinhi.
An tinuod na pagka-mapahiub’sanon amo an pagkilaya anay, unabes nan ato kaugalingon sa panan-aw o perspektibo nan Diyos.
Kon mahimo nato na dili lamang kita magsalig sa ato mga kaugalingon na kusog sanan abilidad kondili isalig ra gajud nato tanan an ato kinabuhi sa Diyos, sa kusog nan Ija gugma sanan kalooy sa tawo – amo ini an tinuod na pagka-mapahi’ubsanon.
An tinuod na pagka-mapahi’ubsanon jaon ad’oy kalidad nan isa ka suluguon na maka-serbisyo sa isigkatawo nan waya’y pagpaabot nan suhol o kabajaran sanan makapadangat nan serbisyo sa Diyos para sa Ija kahimayaan.
----
