An gusto nato permi hikit’an nan ato mga mata, an mga patsada, guwapo sanan marajaw pero dili nato gusto na hikit’an sanan katagamtaman an mga mayaot na parte nan kamatuoran. Serado an ato ma kasing-kasing sa mga butang na dili nato gusto madawat.
Pero kinahanglan hibay’an nato na usahay an mga mayaot na kamatuoran makahatag ‘sab dato nan leksiyon para makasugakod kita sa mga umaabot na problema.
Sa Ebanghelyo, waya hisab’ti nan mga disipulo an tagdeklara ni Jesus na hinungdan nan ila kahadlok. An imahenasyon nila nan jadto na tungora na pildihon sila nan mga nagkontra sa ila magtutudlo.
An kamatuoran baja nan umaabot na pag-antos ni Jesus amo’y sinugdan nan ato kagawasan sa ato mga kasay’anan batok kan God.
-------------
