1 Timothy 3:1-13
Psalm 101
Luke 7:11-17
Nobati nan layum na kalo-oy si Jesus sa isa ka bayo na ingkamat’jan nan nag-inusara ra nija na anak na layaki. Amo ra’y unta paglaum sa kinabuhi nan bayo an ija anak na layaki pero napatay man, ugsa na arang gajud an ija pagkahuyop.
Arang na kaguol nan bayo kay waya na ma’y maka-amoma dija. Nahibayo nan ini tanan si Jesus amo na sa Ija gahum, inbalik Nija an kinabuhi nan patay na ulitawo tungod sa Ija halayum na kalooy sa bayo.
Tungod sa kaduro nan mga buluhaton nan tawo, usahay dili na nija hikit’an sanan kaobserbahan an ija isigkatawo na may kaguol sanan kamingaw kay an huna-huna nija, an ija ra man kaugalingon.
Kinahanglan, sensitibo ‘sab kita sa ato isigkatawo kon uno’y ila mga tagbati para ‘sab nato sila kaiban-ibanan sa ila mga kaguol sanan kamingaw.
Ipangaliya nato sa Diyos na hatagan kita Nija nan kalumo nan ato mga kasing-kasing para maka-iban-iban kita sa ato isigkatawo.
---
