mga pagbasa kuman, domingo
"Templo (huy-anan) kita nan Diyos sanan an Idja Espiritu naghuya sab dato," matud pa ni Pablo sa ikaduha na pagbasa nato kuman.
Kon templo nan Diyos an ato lawas, kinahanglan ampingan gadjod nato ini na dili kapasipad-an hangtud na maguba kay huy-anan man ini nan Diyos demudo sagrado ini kay Sagrado man Sidja.
Kinahanglan badja gadjod na dili nato abusaran an ato mga lawas, jaon paggamit sa mayaot na mga butang sanan pamayhon na dili makalipay sa Diyos kay Sidja man badja an naghuya sa ato mga lawas sanan kasingkasing.
Sa Habungan, jaoy pagja para sa mga palahubog na tag-laong, "Agwanta baga kay abusado an imo amo."
Gusto nan Diyos na malimpiyo an ato lawas kay Idja man ini huy-anan ugsa na laong Nidja, "magpakasagrado kamo kay sagrado Ako."
Kuman na adlaw, intawag kita nan Diyos na i-komiter nato an ato mga kaugalingon para makaserbisyo kita Didja gamit an ato mga lawas para sa Idja kahimayaan dinhi sa lupa hangtud nadto sa langit.
Ginoo kong Hesuskristo, tag-abrihan Nino an bayay nan Imo Ama para kami makadadjeg sa espiritu sanan kamatouran ugsa tabangi kami na makasuod sa Imo trono nan kalooy na may pasasalamat sanan kalipay, Amen.
our reading for today, sunday
"Our body is the temple of God and His Spirit dwells in us," thus says Paul in our second reading today.
If our body is the dwelling place of God, we have to take good care of it that nobody abuses it to perdition because it is His home, thus it should be holy because He is holy.
So we must not abuse our body, using it in useless things that do not please God because after all, He is the one dwelling in us and in our hearts.
In our town, there is this saying for the drunkards that goes, "bear with everything, lungs, you have an abusive boss."
God wants us to have clean bodies because these are His dwelling places thus He says to us, "Be holy becasue I am holy."
He is calling us today to commit ourselves for His service for His glory here on earth as it is in heaven.
Lord Jesus Christ, You opened the home of Your Father so that we can glorify Him in spirit and truth so help us to be near Your throne of mercy with gratitude and joy in our hearts, Amen.
