Mga Buhat 15:7-21
Salmo 96
Juan 15:9-11
Sama nga gihigugma ko sa Amahan, ako sab nahigugma ninyo. Pabilin sa akong gugma. Magpabilin mo sa akong gugma kon tumanon ninyo ang akong mga sugo, ingon nga gituman ko ang mga sugo sa akong Amahan, ug nagpabilin sa iyang gugma. Gisultihan tamo ini, aron ang akong kalipay manaa ninyo ug mahingpit ang inyong kalipay.
Repleksiyon
Gusto dinhi ipakita ni Hesus an gugma na Ija sanan nan Ama sa Langit inhatag sa tanan katawhan. An pagmahal nan Diyos dato tanan waya gaju’y kakumparahan. An ato pagsukli nan ato gugma sa Diyos tubag ra lamang nato sa Ija wayay katapusan na pagmahal sanan waya’y katapusan na kalooy na ato tagadawat adlaw-adlaw.
An gugma na ato nadawat gikan sa Diyos waya gaju’y paglubad sanan waya’y katapusan kay Ija man tagpadaya dato an Ija Espiritu Santo na naghuya sa ato mga kasing-kasing. Ato tagtamasa an grasya, kinabuhi, kalinaw sanan kalipay kada adlaw kay amo man ani an mga bunga nan Ija pagmahal dato tanan.
Pero may isa ka pamaagi nan pagmahal na gusto ni Hesus na ato himoon – an paghigugma sa isig-katawo. Amo’y ini ato pangalimbasugan na himoon kay amo ini an Ija tangajo dato tanan. Inpakita ini na klase na pagmahal Nija pinaagi sa Ija pagsakripisyo na nohantong sa Ija pagkamatay sa crus – pagmahal na waya’y katapusan.
Hinaot unta na ato sab mahipakita an ato pagmahal kan Hesus na naghalad nan Ija kinabuhi para lamang mahipakita ang paghigugma nan Diyos dato tanan pinaagi sa ato sab paghigugma sa ato isig-katawo.
Carry this Jesus in your heart. Discover and catch his joy. Live light and happy!
Abide in my love
