Revelation 21:9b-14
Psalm 145
John 1:45-51
Masuwerte si Nathnael kay kilaya sija ni Jesus bisan amo pa sila magkita. Kilaya sija kay Diyos man si Jesus, nahibayo sanan nakakilaya Sija tanan tawo sa kalibutan.
Marajaw si Nathanael kumpara dato kay sa pagka-kuman, dili man kita makaseguro kon hinkilay’an ba gajud kita ni Jesus disde nan ato pagkabata.
Ugsa nakalaong ako na dili kita kon segurado na hinkilay’an gajud kita ni Jesus kay may mga panahon man sa ato kinabuhi na waya kita magpakabana nan presensiya nan Diyos sa ato pagkatawo.
Para lubos gajud na hikilay’an kita nan ato Ginoo, kinahanglan pangalimbasugan nato na hugot sanan suod karajaw an ato relasyon Dija para sa kada gutlo nan ato kinabuhi, permi kita jaon sa Ija grasya, kilaya kita Nija.
---
