1 Thessalonians 3:7-13
Psalm 90
Matthew 24:42-51
Sa pagbalik ni Jesus para mopadangat nan pinal na paghukom sa tanan, andam kaha kita na moatubang Dija? Hilabina gajud kintahay kon kuman dajon na mga gutloa Sija moabot, andam ba kaha kita?
Tagpasidan’an na daan kita ni Jesus dinhi sa Ebanghelyo na sa oras na dili nato paaboton, mobalik an Anak nan Tawo. Bulahan, laong pa Nija, an suluguon na sa pagbalik nan agalon gikan sa ija biyahe, kasaksihan nija an suluguon na nagtrabaho nan ija mga buluhaton.
Amo na kinahanglan, sa ato kinabuhi ‘sab, andam permi kita na an buot ipasabot, taghimo nato tanan mga butang na gusto nan Diyos na himoon nato, pinaagi sa tabang nan Espiritu Santo na amo’y mogiya sa ato mga kinabuhi kay permi man kita mangaliya Dija.
---
