1 Thessalonians 4:1-8
Psalm 97
Matthew 25:1-13
Uno’y mahitabo sa isa ka tawo na dili kon preparado para sa isa ka sitwasyon? May mga butang na dili na nato makuha kon apike na an panahon parehas nan sitwasyon na dili na maka-preparar an estudyante para sa ija eksamin kon amo pa’y ija pag-estadi sa oras nan eksam. Amo jaon an tag-laong na pinis or nat pinis, pas yur pepir.
Amo ‘sab ini an mahitabo kon moabot na an panahon na mobalik na si Jesus sa kalibutan para dapiton kita tanan nadto sa Ija langitnon na bangkete, ‘katapos, an mga nakapreparar da an maka-iban Dija. An tanan nato na silom sanan damyag sa pag-abot nan paghukom, naka-depende sa ato preparasyon dinhi sa kalibutan.
Imbitado kita tanan ni Jesus sa kombete Nija didto sa Ija langitnon na lamesa nan bangkete. Kuman, an pangutana, andam ba kita na motubag sa imbitasyon nan Ginoo sa Ija kombete?
---
