1 Thessalonians 4:9-11
Psalm 98
Tuyo ka mga butang an taghimo nan agalon dinhi sa ato estorya kuman. Una, tagsalig nija an ija propedad sa ija mga suluguon. Kita ‘sab na naghuya dinhi sa kalibutan, tagsalig ra nan Diyos dato an ato mga kinabuhi. Tanan mga nakapalibot dato na ato mga mahal sa kinabuhi sanan mga butang na ato tag-amoma, mga gasa ini tanan Nija dato.
Ikaduha, pagbalik nan agalon, nag-kuwentahan sila base sa resulta nan ila mga pangalimbasog. Namuhunan an Diyos nan Ija kinabuhi, kalooy sanan gugma para dato. Kon magselbi kita Dija, gasahan kita Nija nan arang ka duro na grasya Nija.
Ikatuyo, nakadawat sila nan ila premyo gikan sa agalon, depende sa ila pangalimbasog. Magpaabot ‘sab kita nan premyo gikan sa Diyos para sa ato taghimo dinhi sa kalibutan para Dija. Dili kita magbasoy pag-abot nan panahon kay ipadangat man gajud Nija an Ija sa mga grasya sa takos na modawat nan ini kay taghimo man nila an gusto nan Diyos na himoon nila para sa Ija kahimayaan.
---
