Jeremiah 20:7-9
Psalm 63
Romans 12:1-2
Matthew 16:21-27
Taghingan’lan ni Jesus si Peter na Satanas dinhi sa ato Ebanghelyo kuman, pero suod pa gihapon sila na mag-amigo kay tagsaligan pa man gani ni Jesus si Peter nan pag-amuma nan Ija simbahan.
Uno man kaha na waya man gajud molubad an ila pagka-amigo hangtud sa katapusan?
Amo kay si Peter tawo ra man gajud, bisan kon may mga kasajupan sanan mga kasay’anan sija, tag-dawat gihapon ni Jesus si Peter kay Diyos man Sija na andam modawat abir kon sin-o sanan uno na klase nan pagka-tawo an mosuod Dija.
Tagdawat ni Jesus si Peter bilang isa ka kaibanan sa Ija pasing’dan na distino. Amo balitaw na Satanas an tawag kan Peter ni Jesus nan jadto na tongura kay dili Nija gusto na may mobabag sa kagustuhan nan Ija Ama sa Langit.
Sa kapulihay, nareyalisar da ni Peter na an ija papel sa kinabuhi isip isa ka tapagsunod ni Jesus an pagpamati lamang sa mga pulong na Ginoo.
Marajaw seguro na abrihan ‘sab nato an ato mga kasing-kasing para hidung’gan gajud nato an gusto na isulti sanan isugo nan Diyos para dato.
-----
