Numbers 13:1-2, 25—14:1, 26a-29a, 34-35
Psalm 106
Matthew 15:21-28
Pagka-pasensiyuso an dako na gahin sa ato pagtuo. Bisan uno katig-a an kasing-kasing nan isa ka tawo, ad-o’y gajud parte nan ini na malumo. Uno pa kaha si Jesus nan an isa ka babaje desidido gajud na mangajo nan tabang Dija.
Usahay moabot an oras sa tawo na kahut’dan ini nan ija pasensiya ugsa na mosurender rakan sa ija taghuna-huna na himoon. Pero sa parte nan ini na babaje, mapa-ilubon sija na naghuyat kon kun-o sija tubaga ni Jesus.
Kita ‘sab, kinahanglan puno kita nan pagpa-ilob sa ato kasing-kasing, hilabina sa ato mga pangaliya sa Diyos – abir kon madugay Sija motubag kay seguro may mga plano pa Sija para dimo – kay Sija ra man gajud an makahatag nan solusyon sa ato mga problema.
---
