Numbers 12:1-13
Psalm 51
Matthew 15:1-2, 10-14
Arang gajud ka himantajon inin mga eskriba sanan pariseo ugsa na inlang-an ni Jesus an Ija mga disipulo na “pasag’di lamang ‘ton sila” sa ila mga reaksiyon.
Kita ‘sab, arang karajaw nato ka kusog magpakabana sa mga reaksiyon nan iban na mga tawo sa ato mga panultihon sanan mga himounon. Usahay amo ra’y ato bantajan kon uno’y ila lang-on kon masajop kita.
Dili seguro kon kinahanglan na himoon gajud o sultihon nato an gusto nan ato kasing-kasing kay kinahanglan pa man nato gajud pensadahon kon ensakto ba o sajop an ato aksiyon.
Amo na usahay maka-desidir kita abir kon sajop-sajop an ato aksiyon basta para sa karajawan an ato taghimo.
Ipangaliya nato sa Diyos kada adlaw na giyahan kita Nija, pinaagi nan Espiritu Santo, sa tanan nato himoon na aksiyon sa ato mga kinabuhi.
----
