Collosians 1:1-8
Psalm 52
Luke 4:38-44
Usahay, pag-abot na nan marduyom, bation na nato an kaluja kay tibook adlaw man kita nagtrabaho na usahay, bagan gusto na nato mosurender sa ato mga responsibilidad.
Pero sa adlaw-adlaw na eskidyul ni Jesus na entero adlaw nagbiyahe Sija para magtudlo ‘katapos manambay pa nan mga maysakit, dili Sija kahut’dan nan puwersa, waya’y pagka-lobat Nija.
Pagsayop nan adlaw, magpalayas pa Sija nan mga demonyo sa mga insaniban ‘tapos pag-abot nan masisuyom kinasiluman, mogawas pa Sija para mangaliya, magpasalamat sanan makig-estorya sa Ija Ama sa Langit.
Posible ini kan Jesus kay, una, abir kon besi Sija, maytaym pa man gajud Sija na mangadje. Kita ’sab, dili lamang kon pisikal ra na kusog an ato kinahanglan. Importante na jao’y ato permi espirituwal ‘sab na kusog para masugakod nato an bisan uno rakan na tsalens sa ato kinabuhi.
Ikaduha, Diyos man Sija – waya’y imposible sa Diyos. Sija man gajud an pinaka-kapun’an nan tanan pisikal sanan espirituwal na kusog dinhi sa kalibutan.
Kinahanglan dili gajud nato hikalim’tan, sa adlaw-adlaw nato na kinabuhi, an pagpangaliya, pagpasalamat sanan pakig-relasyon sa ato Ginoo kay amo ra ma’y ini ato mahisukli sa Ija karajaw dato.
---
