Colosians 1:9-14
Psalm 98
Luke 5:1-11
Mga ordinaryo na tawo an tagpili nan Diyos para magsangyaw nan Ija mga pulong, ordinaryo na tawo na nagbaton nan ordinaryo ra sab na mga sirkumstansiya sa adlaw-adlaw nila na kinabuhi parehas kan Simon.
An mga mensahe na inhatag ni Jesus kaya Simon nan jadto na mga tungora, amo ra ‘sab gihapon na mga pulong an Ija taghatag dato kuman, na “mandakop kita nan mga tawo” para sa gingharian nan Diyos.
An sestima nan ini kuman kon motugot kita na madawat nato an Ija sugo dato na magsangyaw nan Ija marajaw na balita na an dangatan, kinabuhi na wayay katapusan na kalipay sa kalangitan nan Ija mga anak sa tibook kalibutan.
Ipangaliya nato sa Diyos na hatagan kita Nija nan kusog sanan hibayo para mahimo nato an gusto Nija na himoon nato para sa Ija Kahimayaan.
---
