Revelation 11:19a; 12:1-6a, 10ab
Psalm 45
1 Corinthians 15:20-27a
Luke 1:39-56
Piyesta kuman sa Habungan, piyesta nan Mahal na Berhin. Viva la Virgen!
Niadtong tuig 1950, opisyal na tag-deklarar ni Papa Pio XII an pagka-bayaw ni Virgin Mary sa langit na isa ka parte nan pagpakita nan gahum nan Diyos, jaon tag-laong na divine revelation.
An tinuohan nan pag-panik ni Mary sa langit, lawas sanan espiritu, nag-deklarar nan tuyo ka mga butang.
Una, mahal nan Diyos si Mary. Tag-himo Nija an mga marajaw na butang para kan Mary ugsa na tag-bayaw sija sa langit, lawas sanan espiritu.
Ika-duha, mahal nato si Mary sanan nagtuo kita na mag-kaiban sila nan Ama sanan nan Anak. Tag-tawag sija na bulahan nan mga tawo sa tanan panahon.
Ika-tuyo, mahal sab gajud karajaw ni Mary an Ama sa Langit. Tag-proklama nan ija espiritu an pagka-bantugan nan Ginoo sanan an kalipay nija permi an Diyos.
Amo ‘sab unta ini an ato paningkamutan sa ato Kristiyano na kinabuhi, na mahalon ‘sab unta kita nan Diyos nan parehas nan Ija pagmahal kan Mary.
---
