Judges 6:11-24a
Psalm 85
Matthew 19:23-30
Uno man na bagan in-tukyan man ni Jesus an kuwartahan dinhi sa Ija sambingay? Dili man seguro kon an buot ipasabot na juhot gajud Sija sa mga adunahan kay duro man gani an Ija mga higaya na datu.
Sa ako pangagpas, an gusto seguro ipaabot ni Jesus para sa ato dinhi na kon an tawo permi maghuna-huna sa ija mga kabtangan sanan mga bahandi, hikalim'tan rakan nija an pag-sangpit sa Diyos kay bastante na man sija sa ija adlaw-adlaw na mga panginahanglan.
Ugsa na an ato himoon gajud na prayoridad sa ato kalibutanon na kinabuhi an ato relasyon sa ato Ginoo kay amo man ini an tag-laong na hanapon gajud anay nato an gingharian nan Diyos kay an tanan nato na kinahanglan ihatag ra Nija dato.
---
