1 Timothy 1:15-17
Psalm 113
Luke 6:43-49
Kon uno’y suyod nan kasing-kasing nan tawo, amo’y ija isulti sa ija baba. Ipakita nan ato mga panultihon an suyod nan ato kasing-kasing, pagkatapos, ipadayag ‘sab nan ato kasing-kasing an gikan sa ato huna-huna.
Amo jaon an tag-laong na kon magpugas an tawo nan isa ka lihok, mag-ani ‘sab sija nan isa ka pamayhon, magpugas nan isa ka pamayhon, mag-ani ‘sab nan isa ka karakter na amo’y pasing’dan nan isa ka distinasyon.
Pero may mga panahon ‘sab sa na magbasoy kita sa ato nahisulti kay nagresulta man ini nan kadaot sa isa ka sirkumstansiya.
Ugsa na, kinahanglan gajud nato bantajan an ato mga aksiyon sanan panultihon, base sa ato kasing-kasing, kay kon uno’y resulta nan mga ini, ato man ini responsibalidad.
Ipangaliya nato sa Diyos na giyahan kita Nija, sa tabang nan Holy Spirit, sa tanan nato mga aksiyon sanan mga panultihon para permi kita magasunod sa Ija kagustuhan.
---
