1 Timothy 1:1-2, 12-14
Psalm 16
Dili mahimo na mag-giya an isa ka bota sa isa’sab ka bota – parehas sila mangahuyog sa kantil. Ini na sambingay na in-gamit ni Jesus para mahipa-abot an Ija mensahe na dili mahimo na ikonsidera nan tinudloan na superyor sija sa ija maestro hangtud na hikat-unan nija tanan na itudlo dija, dinhi, puwede na sija maparehas sa ija magtutudlo.
Pantay-pantay tanan tawo – kon himantajon an isa ka tawo, mahamok ‘sab na pamay’hon an puwede na ibantay dija.
Kita tanan kuno, pulos mga anghel, pero, an problema, anghel kuno kita na tag-isa ra an ampak. Amo na para makalupad kita, kinahanglan na mag-ginun’tanay kita despuwes, dungan pag-kapay an ato mga ampak para makalupad kita.
Probahan seguro nato na dili kita mamantay sanan manlibak sa iban kuman na adlaw.
---
