Psalm 13
Sa ato pagselebrar nan adlaw nan kapanganakan ni Mama Mary, marajaw seguro na sab’ton anay nato an buot ipasabot nan birthday. Segurado kita na an birtde, oras para iselebrar nato an gasa nan mahigugmaon na Diyos na kinabuhi para hinumduman nato ini’n espesyal na adlaw nan ato kapanganakan.
An kapanganakan, oras para makapadayag kita nan ato kinasing-kasing sanan tinood na pagpasalamat sa Diyos para sa tanan gasa NIja na ato nadawat, ‘katapos magamit ini nato para sa karajawan nan ato kinabuhi.
Amo ‘sab ini an oras na ato lantawon an ato mga kaugmaon para mahi-preparar nato an ato mga espirituwal na kinabuhi para sa pag-abot nan panahon, hinaot unta na andam kita modawat nan ipadangat na paghukom sa pagbalik ni Jesus dinhi sa kalibutan.
Pasalamatan nato an Diyos para sa pagpadaya Nija kan Mary sa kalibutan para mahimo na Ina nan Diyos na mosalba sa mga kasay’anan nan mga kataw’han.
----
